Kyun Masafat Mein Na Aae Yaad Apna Ghar Mujhe

kyun masafat mein na aae yaad apna ghar mujhe

Thokaren dene lage hain rah ke patthar mujhe

kis ka ye ehsas jaga dopahar ki dhup mein

DhunDne nikla hai nange panw nange-sar mujhe

jis mein aasuda raha main wo tha kaghaz ka makan

ek hi jhonka hawa ka kar gaya be-ghar mujhe

main to in aalaishon se dur ek aaina tha

aa laga hai meri apni soch ka patthar mujhe

aa gaya tha main sitam ki bastiyon ko raund kar

kya KHabar thi KHud nigal jaega apna ghar mujhe

ab ana ki chaar diwari ko girna chahiye

qaid kar rakkha hai apni zat ke andar mujhe

'fauq' sailab-e-gham-e-dauran baha kar le gaya

dekhta hi rah gaya ek husn ka paikar mujhe

(9682) Peoples Rate This

Your Thoughts and Comments

Kyun Masafat Mein Na Aae Yaad Apna Ghar Mujhe In English By Famous Poet Fauq Ludhianvi. Kyun Masafat Mein Na Aae Yaad Apna Ghar Mujhe is written by Fauq Ludhianvi. Read famous Poem Kyun Masafat Mein Na Aae Yaad Apna Ghar Mujhe for youth and Student by Fauq Ludhianvi. Free Download Kyun Masafat Mein Na Aae Yaad Apna Ghar Mujhe in PDF.