Copyright

kya rumani lamha tha

shoara par ye shart lagi thi

chhat par pura chand dekh kar

sab ko nazm sunani hogi

pure chand ko takte takte

main ne bhi ek nazm sunai

mere liye wo nazm nahin thi

bel koi angur ki thi

jis ne mera KHun piya tha

chand ne lekin sher sune to

wo behad mashur hua tha

aisa laga ki us ke tan se

chhalbal uDti

dhul sunahri

sunne walon ki palkon par aa baiThi ho

logon ne yun dad mujhe di

goya chand ke copyright mere hun

main ne apni nazm sunai urdu mein

kya rumani lamha tha