Bata Ai Zindagi Tere Parastaron Ne Kya Paya

bata ai zindagi tere parastaron ne kya paya

uTha kar naz tere naz-bardaron ne kya paya

wo kanTe hi sahi kuchh to diya hum ko bayaban ne

magar gulshan se phulon ke talab-garon ne kya paya

zara malum to kije KHirad par marne walon se

ki Thukra kar junun ko in ziyan-karon ne kya paya

kaleja tera phaT jaega waiz fart-e-hairat se

bata dun main agar tujh ko gunahgaron ne kya paya

bayaban gham na kar be-faizi-e-abr-e-bahaaran ka

tera daman hai gar KHali to gulzaron ne kya paya

gham-e-hasti gham-e-jaanan gham-e-duniya gham-e-dauran

miTa kar mujh ko 'fazil' in sitam-garon ne kya paya

(756) Peoples Rate This

Your Thoughts and Comments

Bata Ai Zindagi Tere Parastaron Ne Kya Paya In English By Famous Poet Fazil Ansari. Bata Ai Zindagi Tere Parastaron Ne Kya Paya is written by Fazil Ansari. Read famous Poem Bata Ai Zindagi Tere Parastaron Ne Kya Paya for youth and Student by Fazil Ansari. Free Download Bata Ai Zindagi Tere Parastaron Ne Kya Paya in PDF.