Kahin Se Nile Kahin Se Kale PaDe Hue Hain

kahin se nile kahin se kale paDe hue hain

hamare pairon mein kitne chhaale paDe hue hain

kahin to jhukna paDega nan-e-jawin ki KHatir

na jaane kis ke kahan niwale paDe hue hain

wo KHush-badan jis gali se guzra tha us gali mein

hum aaj bhi apna dil sambhaale paDe hue hain

hamari KHatir bhi fatiha ho barae-baKHshish

hum aap-apne pe KHak Dale paDe hue hain

shahid hain hum hamein kabhi raftagan na samjho

na jaane kab se ajal ko Tale paDe hue hain

kaho to de den hum aaj tum ko hisab-e-masti

ki hum ne jitne bhi jam uchhaale paDe hue hain

hamari aankhon mein jab se utra hai chand koi

hamari aankhon ke gard haale paDe hue hain

abhi to hum ne ye zindagi us ke nam ki hai

abhi to jaan ke kai izale paDe hue hain

yaqin nahin hai KHud apne hone ka hum ko warna

kai misalen kai hawale paDe hue hain

hamare kamre mein us ki yaaden nahin hain 'fazil'

kahin kitaben kahin risale paDe hue hain

(1084) Peoples Rate This

Your Thoughts and Comments

Kahin Se Nile Kahin Se Kale PaDe Hue Hain In English By Famous Poet Fazil Jamili. Kahin Se Nile Kahin Se Kale PaDe Hue Hain is written by Fazil Jamili. Read famous Poem Kahin Se Nile Kahin Se Kale PaDe Hue Hain for youth and Student by Fazil Jamili. Free Download Kahin Se Nile Kahin Se Kale PaDe Hue Hain in PDF.