Raaton Ke KHauf Din Ki Udasi Ne Kya Diya
raaton ke KHauf din ki udasi ne kya diya
sae ke taur leT ke chalna sikha diya
kamre mein aa ke baiTh gai dhup mez par
bachchon ne khilkhila ke mujhe bhi jaga diya
wo kal sharab pi ke bhi sanjida hi raha
is ehtiyat ne use mujh se chhuDa diya
jab koi bhi utar na saka mere jism mein
sab haal main ne sirf usi ko suna diya
apna lahu nichoD ke dekhunga ek din
jine ke zahar ne use kya kuchh bana diya
Fazl Tabish 
(693) Peoples Rate This