Talte Hain Koi Hath Chale Ya Zaban Chale

Talte hain koi hath chale ya zaban chale

hum dad-KHwah sath hain us ke jahan chale

kya ham-sari ho tir ki us tir-e-ah se

ye ye hi tir hai ki sada be-kaman chale

sar par to dhar ke nash hamari ko ta-mazar

har ek qadam pe rote hue KHun-fishan chale

lae the sar pe dhar ke kis iKHlas se hamein

bas aankh ojhal hote hi ai dostan chale

yaron ne apni rah li 'fidwi' hamin rahe

wo chiz ab kahan hai ki puchhe kahan chale