Junun-e-kargar Hai Aur Main Hun
junun-e-kargar hai aur main hun
hayat-e-be-KHabar hai aur main hun
miTa kar dil nigah-e-awwalin se
taqaza-e-digar hai aur main hun
kahan main aa gaya ai zor-e-parwaz
wabaal-e-baal-o-par hai aur main hun
nigah-e-awwalin se ho ke barbaad
taqaza-e-digar hai aur main hun
mubarakbaad ayyam-e-asiri
gham-e-diwar-o-dar hai aur main hun
teri jamiyyaten hain aur tu hai
hayat-e-muntashar hai aur main hun
koi ho sust-paiman bhi to yun ho
ye sham-e-be-sahar hai aur main hun
nigah-e-be-mahaba tere sadqe
kai TukDe jigar hai aur main hun
Thikana hai kuchh is uzr-e-sitam ka
teri nichi nazar hai aur main hun
'firaq' ek ek hasrat miT rahi hai
ye matam raat bhar hai aur main hun
Firaq Gorakhpuri 
(859) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544