KHud Lafz Pas-e-lafz Kabhi Dekh Sake Bhi
KHud lafz pas-e-lafz kabhi dekh sake bhi
kaghaz ki ye diwar kisi tarah gire bhi
kis dard se raushan hai siyah-KHana-e-hasti
suraj nazar aata hai hamein raat gae bhi
wo hum ki ghurur-e-saf-e-ada-shikni the
aaKHir sar-e-bazar hue KHwar bike bhi
bahti hain rag o pai mein do-abe ki hawaen
ek aur samundar hai samundar se pare bhi
aKHlaq o sharafat ka andhera hai wo ghar mein
jalte nahin masum gunahon ke diye bhi
Fuzail Jafri 
(718) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544