Sahab Dilon Se Rah Mein Aankhen Mila Ke Dekh
sahab dilon se rah mein aankhen mila ke dekh
rakhta hai tu bhi dil to use aazma ke dekh
pahchanne ki pyar ko koshish kabhi to kar
KHud ko kabhi to apne badan se haTa ke dekh
ya lazzaton ko zahr samajh aur dur rah
ya shoala-e-gunah mein daman jala ke dekh
har-chand reg-zar sahi zindagi magar
pal-bhar ko apne jism ka jadu jaga ke dekh
sae ki tarah sath chalegi koi sada
sunsan jangalon mein akele bhi ja ke dekh
Fuzail Jafri 
(815) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544