Ek Saya-e-sham Yaad Aaya
ek saya-e-sham yaad aaya
KHushbu ka KHiram yaad aaya
dhoya hua sat paniyon mein
kya nam tha nam yaad aaya
lahje mein shaguftagi gulon ki
ek shusta kalam yaad aaya
achchha hua gor tak to pahunche
yaron ko salam yaad aaya
ai mauja-e-baad kya hua hai
kya taza payam yaad aaya
kuchh aur zamin mein gaD gae hum
jab apna maqam yaad aaya
maqtal se muD aae ghar ko 'gauhar'
shayad koi kaam yaad aaya
Gauhar Hoshiyarpuri 
(846) Peoples Rate This