Husn Ke Zer-e-bar Ho Ki Na Ho
husn ke zer-e-bar ho ki na ho
ab ye dil be-qarar ho ki na ho
marg-e-amboh dekh aate hain
aankh phir ashk-bar ho ki na ho
karb-e-paiham se ho gaya patthar
ab ye sina figar ho ki na ho
phir yahi rut ho ain mumkin hai
par tera intizar ho ki na ho
shaKH-e-zaitun ke amin hain hum
shahr mein intishaar ho ki na ho
sher mere sambhaal kar rakhna
ab ghazal mushk-bar ho ki na ho
Ghalib Ayaz 
(852) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544