Tumhein KHabar Bhi Hai Ye Tumne Kis Se Kya Manga

tumhein KHabar bhi hai ye tum ne kis se kya manga

bhanwar mein Dubne walon se aasra manga

sune jo mere azaem to aazmane ko

hawa se barq ne ghar ka mere pata manga

KHud apni rah banata gaya pahaDon mein

kabhi kahan kisi dariya ne rasta manga

jo aap apne andheron se bad-hawas hui

shab-e-siyah ne ghabra ke ek diya manga

kahin bhi ho koi neki barae neki ho

wahin pe ho gai zaea agar sila manga

KHuda ki den ke mohtaj-e-bandagan-e-KHuda

ye kya ki mangne walon se ja-ba-ja manga

hamein jo ishq mein hona tha surKH-ru 'ejaz'

to hum ne jaan-e-hazin qalb-e-mubtala manga

(514) Peoples Rate This

Your Thoughts and Comments

Tumhein KHabar Bhi Hai Ye Tumne Kis Se Kya Manga In English By Famous Poet Ghani Ejaz. Tumhein KHabar Bhi Hai Ye Tumne Kis Se Kya Manga is written by Ghani Ejaz. Read famous Poem Tumhein KHabar Bhi Hai Ye Tumne Kis Se Kya Manga for youth and Student by Ghani Ejaz. Free Download Tumhein KHabar Bhi Hai Ye Tumne Kis Se Kya Manga in PDF.