Yaqin Jaaniye IsMein Koi Karamat Hai

yaqin jaaniye is mein koi karamat hai

jo is dhuen mein meri sans bhi salamat hai

nazar bhi haal mere dil ka kah nahin pati

zaban ki tarah meri aankh mein bhi luknat hai

jo ho raha hai use dekhte raho chup chap

yahi sukun se jine ki ek surat hai

main us ke jhuT ko bhi sach samajh ke sunta hun

ki us ke jhuT mein bhi zindagi ki quwwat hai

ye kis ki aankh Tiki hai udas manzar par

ye kaun hai ki jise dekhne ki fursat hai

koi baid nahin ye bhi ishtihaar chhape

hamare shahr mein jallad ki zarurat hai

sipar tamam badan ke hawas Dal chuke

bas ek aankh hai jis mein abhi baghawat hai

dil-o-dimagh mein rishta nahin jahan koi

ek aise jism mein jina hamari qismat hai

kahin bhi jaen sazaen hamein hi milni hain

adalaton ki hamari ajib hikmat hai

hamare bich ye uqda na khul saka ab tak

kise visal kise hijr ki zarurat hai

usi ko saunp diya hum ne munsifi ki zamam

ki jis ke KHwab mein bhi aks-e-ghasbiyyat hai

(584) Peoples Rate This

Your Thoughts and Comments

Yaqin Jaaniye IsMein Koi Karamat Hai In English By Famous Poet Ghazanfar. Yaqin Jaaniye IsMein Koi Karamat Hai is written by Ghazanfar. Read famous Poem Yaqin Jaaniye IsMein Koi Karamat Hai for youth and Student by Ghazanfar. Free Download Yaqin Jaaniye IsMein Koi Karamat Hai in PDF.