Zamin Ki Had Agar Koi Nahin Hai

zamin ki had agar koi nahin hai

to phir mera bhi ghar koi nahin hai

qafas mein band hai parwaz meri

umid-e-baal-o-par koi nahin hai

hunar un ko sikhata phir raha hun

magar KHud mein hunar koi nahin hai

KHabar aKHbar mein aae na aae

KHabar se be-KHabar koi nahin hai

yahan to bas paDaw hai hamara

hamara apna ghar koi nahin hai

ye shahr-e-arzu hai 'ghaus' aisa

jahan hadd-e-nazar koi nahin hai