Kya Bataun Aaj Wo Mujhse Juda Kyunkar Hua

kya bataun aaj wo mujh se juda kyunkar hua

muddaton ka aashna na-ashna kyunkar hua

tere har naqsh-e-qadam par jis ne sajda kar diya

teri nazron mein bhala wo bewafa kyunkar hua

meri barbaadi mein jis ka hath tha wo fitna-gar

puchhta hai ab mujhe ye hadisa kyunkar hua

jis ke hathon ne jalaya gulistan ka gulistan

is ka ghar bhi jal gaya to phir bura kyunkar hua

aadmi to aadmi ka tha sharik-e-ranj-o-gham

munqata phir aaj-kal ye silsila kyunkar hua

jis ki rahmat chand logon ke liye maKHsus ho

hoga kuchh logon ka wo sab ka KHuda kyunkar hua

jab teri nazren lagi hain kausar-o-tasnim par

phir bata shaiKH-e-haram tu parsa kyunkar hua

dar par laTka diye jate hain haq-go ai 'shafaq'

haq ko haq kahne ka tujh ko hausla kyunkar hua

(483) Peoples Rate This

Your Thoughts and Comments

Kya Bataun Aaj Wo Mujhse Juda Kyunkar Hua In English By Famous Poet Gopal Krishna Shafaq. Kya Bataun Aaj Wo Mujhse Juda Kyunkar Hua is written by Gopal Krishna Shafaq. Read famous Poem Kya Bataun Aaj Wo Mujhse Juda Kyunkar Hua for youth and Student by Gopal Krishna Shafaq. Free Download Kya Bataun Aaj Wo Mujhse Juda Kyunkar Hua in PDF.