Agarche Be-hisi-e-dil Mujhe Gawara Nahin

agarche be-hisi-e-dil mujhe gawara nahin

baghair tark-e-mohabbat bhi koi chaara nahin

main kya bataun mere dil pe kya guzarti hai

baja ki gham mere chehre se aashkara nahin

hawas hai sahl magar is qadar bhi sahl nahin

ziyan-e-dil to hai gar jaan ka KHasara nahin

na farsh par koi jugnu na arsh par tara

kahin bhi soz-e-tamanna ka ab sharara nahin

KHuda kare ki fareb-e-wafa rahe qaem

ki zindagi ka koi aur ab sahaara nahin