Nazm

dair viran hai haram hai be-KHarosh

barhaman chup hai muazzin hai KHamosh

soz hai ashlok mein baqi na saz

ab wo KHutbe mein na hiddat hai na josh

ho gai be-sud talqin-e-sawab

ab dilaen bhi to kya KHauf-e-azab

ab harif-e-shaiKH koi bhi nahin

KHatm hai har ek mauzu-e-KHitab

aaj maddham si hai aawaz-e-darud

aaj jalta hi nahin mandir mein ud

kya qayamat hai yakayak ho gaya

mahfil-e-zohhad par tari jumud

rabb-e-bar-haq KHaliq-e-ali janab

ho gae apne mission mein kaamyab

silsila rushd-o-hidayat ka hai KHatm

aasman se ab na utregi kitab

mar gaya ai wae shaitan mar gaya