Umr Jo Be-KHudi Mein Guzri Hai

umr jo be-KHudi mein guzri hai

bas wahi aagahi mein guzri hai

koi mauj-e-nasim se puchhe

kaisi aawargi mein guzri hai

un ki bhi rah saki na darai

jin ki askandari mein guzri hai

aasra un ki rahbari Thahri

jin ki KHud rahzani mein guzri hai

aas ke jugnuo sada kis ki

zindagi raushni mein guzri hai

ham-nashini pe faKHr kar nadan

sohbat-e-admi mein guzri hai

yun to shaer bahut se guzre hain

apni bhi shaeri mein guzri hai

mir ke baad ghaalib o iqbaal

ek sada, ek sadi mein guzri hai

(1275) Peoples Rate This

Your Thoughts and Comments

Umr Jo Be-KHudi Mein Guzri Hai In English By Famous Poet Gulzar Dehlvi. Umr Jo Be-KHudi Mein Guzri Hai is written by Gulzar Dehlvi. Read famous Poem Umr Jo Be-KHudi Mein Guzri Hai for youth and Student by Gulzar Dehlvi. Free Download Umr Jo Be-KHudi Mein Guzri Hai in PDF.