Hum To Kitnon Ko Mah-jabin Kahte
hum to kitnon ko mah-jabin kahte
aap hain is liye nahin kahte
chand hota na aasman pe agar
hum kise aap sa hasin kahte
aap ke panw phir kahan paDte
hum zamin ko agar zamin kahte
aap ne auron se kaha sab kuchh
hum se bhi kuchh kabhi kahin kahte
aap ke baad aap hi kahiye
waqt ko kaise ham-nashin kahte
wo bhi wahid hai main bhi wahid hun
kis sabab se hum aafrin kahte
Gulzar 
(2033) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544