Zindagi Yun Hui Basar Tanha

zindagi yun hui basar tanha

qafila sath aur safar tanha

apne sae se chaunk jate hain

umr guzri hai is qadar tanha

raat bhar baaten karte hain tare

raat kaTe koi kidhar tanha

Dubne wale par ja utre

naqsh-e-pa apne chhoD kar tanha

din guzarta nahin hai logon mein

raat hoti nahin basar tanha

hum ne darwaze tak to dekha tha

phir na jaane gae kidhar tanha