Karahte Hue Insan Ki Sada Hum Hain
karahte hue insan ki sada hum hain
main sochta hun meri jaan aur kya hum hain
jo aaj tak nahin pahunchi KHuda ke kanon tak
sar-e-dayar-e-sitam aah-e-na-rasa hum hain
tabahiyon ko muqaddar samajh ke hain KHamosh
hamara gham na karo dard-e-la-dawa hum hain
kahan nigah se guzarte hain dukh bhare dihat
hasin shahron ke hi gham mein mubtala hum hain
(1852) Peoples Rate This