Teri Aankhon Ka Ajab Turfa Saman Dekha Hai
teri aankhon ka ajab turfa saman dekha hai
ek aalam teri jaanib nigran dekha hai
kitne anwar simaT aae hain in aankhon mein
ek tabassum tere honTon pe rawan dekha hai
hum ko aawara o bekar samajhne walo
tum ne kab is but-e-kafir ko jawan dekha hai
sehn-e-gulshan mein ki anjum ki tarab-gahon mein
tum ko dekha hai kahin jaane kahan dekha hai
wahi aawara o diwana o aashufta-mizaj
hum ne 'jalib' ko sar-e-ku-e-butan dekha hai
Habib Jalib 
(3090) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544