Man
bachchon pe chali goli
man dekh ke ye boli
ye dil ke mere TukDe
yun roe mere hote
main dur khaDi dekhun
ye mujh se nahin hoga
main dur khaDi dekhun
aur ahl-e-sitam khelen
KHun se mere bachchon ke
din raat yahan holi
bachchon pe chali goli
man dekh ke ye boli
ye dil ke mere TukDe
yun roen mere hote
main dur khaDi dekhun
ye mujh se nahin hoga
maidan mein nikal aai
ek barq si lahrai
har dast-e-sitam kanpa
banduq bhi tharrai
har samt sada gunji
main aati hun main aai
main aati hun main aai
har zulm hua baatil
aur sahm gae qatil
jab us ne zaban kholi
bachchon pe chali goli
us ne kaha KHun-KHwaro!
daulat ke parastaro
dharti hai ye hum sab ki
is dharti ko na-dano!
angrez ke darbano
sahib ki ata-karda
jagir na tum jaano
is zulm se baz aao
barrack mein chale jao
kyun chand luTeron ki
phirte ho liye Toli
bachchon pe chali goli
Habib Jalib 
(2042) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544