Yaum-e-mai

sada aa rahi hai mare dil se paiham

ki hoga har ek dushman-e-jaan ka sar KHam

nahin hai nizam-e-halakat mein kuchh dam

zarurat hai insan ki amn-e-alam

fazaon mein lahraega surKH parcham

sada aa rahi hai mere dil se paiham

na zillat ke sae mein bachche palenge

na hath apne qismat ke hathon malenge

musawat ke dip ghar ghar jalenge

sab ahl-e-watan sar uTha ke chalenge

na hogi kabhi zindagi waqf-e-matam

fazaon mein lahraega surKH parcham

(1873) Peoples Rate This

Your Thoughts and Comments

Yaum-e-mai In English By Famous Poet Habib Jalib. Yaum-e-mai is written by Habib Jalib. Read famous Poem Yaum-e-mai for youth and Student by Habib Jalib. Free Download Yaum-e-mai in PDF.