BaTe Rahoge To Apna Yunhi Bahega Lahu

baTe rahoge to apna yunhi bahega lahu

hue na ek to manzil na ban sakega lahu

ho kis ghamanD mein ai laKHt laKHt dida-waro

tumhein bhi qatil-e-mahnat-kashan kahega lahu

isi tarah se agar tum ana-parast rahe

KHud apna rah-numa aap hi banega lahu

suno tumhaare gareban bhi nahin mahfuz

Daro tumhaara bhi ek din hisab lega lahu

agar na ahd kiya hum ne ek hone ka

ghanim sab ka yunhi bechta rahega lahu

kabhi kabhi mere bachche bhi mujh se puchhte hain

kahan tak aur tu KHushk apna hi karega lahu

sada kaha yahi main ne qarib-tar hai wo dur

ki jis mein koi hamara na pi sakega lahu

(1818) Peoples Rate This

Your Thoughts and Comments

BaTe Rahoge To Apna Yunhi Bahega Lahu In English By Famous Poet Habib Jalib. BaTe Rahoge To Apna Yunhi Bahega Lahu is written by Habib Jalib. Read famous Poem BaTe Rahoge To Apna Yunhi Bahega Lahu for youth and Student by Habib Jalib. Free Download BaTe Rahoge To Apna Yunhi Bahega Lahu in PDF.