KHafa Hai Gar Ye KHudai To Fikr Hi Kya Hai
KHafa hai gar ye KHudai to fikr hi kya hai
teri nigah salamat mujhe kami kya hai
bas ek tajalli-e-rangin bas ek tabassum-e-naz
riyaz-e-dahr mein phulon ki zindagi kya hai
KHuda-rasida sahi lakh barguzida sahi
jo aadmi ko na samjhe wo aadmi kya hai
abas ye mashq-e-ruku-o-sujud hai yaro
agar pata nahin mafhum-e-bandagi kya hai
kahin ye lutf-o-inayat ki ibtida to nahin
tumhin batao ye andaz-e-barhami kya hai
dilon ke tar jo chhu le wahi hai sher 'hafiz'
agar ye baat nahin hai to shairi kya hai
Hafeez Banarasi 
(895) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544