Naznin Jin Ke Kuchh Niyaz Nahin

naznin jin ke kuchh niyaz nahin

in hasinon se dil ko saz nahin

ghair ka bhed kyun na khul jae

aap ke dil ka to wo raaz nahin

ek teri zat ke siwa zahid

koi duniya mein pak-baz nahin

is mein pata hun kuchh teri KHubi

mujh ko be-wajh dil pe naz nahin

jitne hain ahl-e-dard hain hamdard

dil wo patthar hai jo gudaz nahin

kah rahi hai ye sadgi ki ada

nek-o-bad mein kuchh imtiyaz nahin

jubba-sai buton ke dar ki 'hafiz'

zahid-e-KHushk ki namaz nahin

(655) Peoples Rate This

Your Thoughts and Comments

Naznin Jin Ke Kuchh Niyaz Nahin In English By Famous Poet Hafeez Jaunpuri. Naznin Jin Ke Kuchh Niyaz Nahin is written by Hafeez Jaunpuri. Read famous Poem Naznin Jin Ke Kuchh Niyaz Nahin for youth and Student by Hafeez Jaunpuri. Free Download Naznin Jin Ke Kuchh Niyaz Nahin in PDF.