Kaun Kahta Hai Ki Mahrumi Ka Shikwa Na Karo

kaun kahta hai ki mahrumi ka shikwa na karo

han magar saqi-e-mai-KHana ko ruswa na karo

zikr chhiD jae agar qaum ki bad-baKHti ka

rahnumaon ki taraf koi ishaara na karo

zehn sanjida masail se haTane ke liye

roz ye shaiKH o barhaman ka tamasha na karo

ek bhi lafz haTane ki nahin gunjaish

mere paigham-e-mohabbat ka KHulasa na karo

ye talluq ki KHarashen bhi maza deti hain

ruTh jae koi tum se to manaya na karo

aaj bhi main nahin insan se mayus ki jab

log kahte hain KHuda par bhi bharosa na karo

(1293) Peoples Rate This

Your Thoughts and Comments

Kaun Kahta Hai Ki Mahrumi Ka Shikwa Na Karo In English By Famous Poet Hafeez Merathi. Kaun Kahta Hai Ki Mahrumi Ka Shikwa Na Karo is written by Hafeez Merathi. Read famous Poem Kaun Kahta Hai Ki Mahrumi Ka Shikwa Na Karo for youth and Student by Hafeez Merathi. Free Download Kaun Kahta Hai Ki Mahrumi Ka Shikwa Na Karo in PDF.