Be-sud Ek Silsila-e-imtihan Na Khol
be-sud ek silsila-e-imtihan na khol
sab dekh dekhta hi chala ja zaban na khol
andar ka hi na ho zara bahar bhi dekh le
dil KHun hai to aankh pe KHunin saman na khol
ek gard chhaegi tere momi dimagh par
thamne de aandhiyon ko abhi khiDkiyan na khol
chhup jaega kahan tere hisse ka aaftab
ai saya-gard sar pe koi saeban na khol
imkan ho to kar le hawa se musalahat
be-faeda hai warna koi baadban na khol
un se yaqin ki daulat-e-nayab mang tu
aankhon pe apni koi fusun aur guman na khol
'manzur' harf harf qalam ka hisab de
lekin fuzul daftar-e-sud-o-ziyan na khol
Hakeem Manzoor 
(846) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544