Ek Mujassam Dard Hun Ek Aah Hun

ek mujassam dard hun ek aah hun

phir bhi zeb-o-zinat-e-afwah hun

main ne duniya ki pasand oDhi nahin

kuchh bhi hun phir bhi to haq-agah hun

sadd-e-lahm-o-ustuKHwan hote hue

har nafas ab bhi tere hamrah hun

karb wahshat gham masail ke tufail

aaj tak zinda ba-hamdillah hun

mere naqsh-e-pa se nikle raste

log phir bhi kahte hain gumrah hun

parwarish pati hai jis se tirgi

main wahi farzand-e-mehr-o-mah hun

mai-kade ki rah se tujh ko pa liya

log kahte hain ki main gumrah hun

(518) Peoples Rate This

Your Thoughts and Comments

Ek Mujassam Dard Hun Ek Aah Hun In English By Famous Poet Hamdoon Usmani. Ek Mujassam Dard Hun Ek Aah Hun is written by Hamdoon Usmani. Read famous Poem Ek Mujassam Dard Hun Ek Aah Hun for youth and Student by Hamdoon Usmani. Free Download Ek Mujassam Dard Hun Ek Aah Hun in PDF.