Hawa Ki Pusht Par
hua ki pusht pe kitne nuqush kanda hain
kahin nafas ki lakiren
kahin bisat-e-hunar
hayat o maut ke partaw
alam ki parchhain
lahu ke rang mein Duba hua falak ka dhuan
kabhi zamin ka daman ghubar-aluda
kabhi garajta hua sail-e-be-karan larzan
misal-e-harf-e-tamanna ye naqsh miT na sake
hawa ki pusht pe kab se nuqush kanda hain
Hameed Almas 
(904) Peoples Rate This