Hamari Hi Badaulat Aa Gai Hai

hamari hi badaulat aa gai hai

yahan tak jo sadaqat aa gai hai

KHuda main ho gaya phir ek tasadum

aqidon mein siyasat aa gai hai

abhi kal tak dar-e-tauba khula tha

magar ab to qayamat aa gai hai

hamare sabr ka sona parakhne

yazidon ki jamaat aa gai hai

koi tera KHala pur kar na paya

jahan teri zarurat aa gai hai

hamare muntazir the lakh maqtal

magar tujh par tabiat aa gai hai