Ab Mera Dard Na Tera Jadu

ab mera dard na tera jadu

marg-e-amboh mein kya main kya tu

koi aawaz na koi larzish

az ufuq-ta-ba-ufuq aalam-e-hu

halqa-e-dud bapa mauj-e-saba

bujh gai sina-e-gul mein KHushbu

barg-e-nau-rasta hain dast-e-majzum

zahr shaKHon mein bani mauj-e-numu

rakh ka Dher hain wo log jo the

gul-badan ghuncha-dahan ghaaliya-mu

waqt ka mai-kada taswir-e-sukut

sang be-zarb tab aazurda subu

tai hua marhala-e-bim-o-raja

nist hi nist hai ya-hu ya-hu