Manzil Kahan Hai Dur Talak Raste Hain Yar

manzil kahan hai dur talak raste hain yar

kis justuju mein KHwab ke ye qafile hain yar

pal pal badalta rahta hai tahzib ka mizaj

lamhon ki dastaras mein ajab silsile hain yar

hai sabiqa hazar marahil se aur phir

is zindagi ke baad bhi kuchh marhale hain yar

tu hi bata tujhe main rakhun kis shumar mein

achchhe bure sabhi se mere rabte hain yar

han tujh se bewafai ki ummid to nahin

par sach kahun to dil mein kai wahime hain yar

KHwahish ka ehtiram hai jazbon ki aanch bhi

nindon ka ehtimam hai aur rat-jage hain yar

nazmen kahan hain falsafe manzum hain tamam

ghazlen kahan hain ishq ke sab marsiye hain yar

ahbab rishte-dar sabhi mumbai mein hain

lekin dilon ke bich baDe fasle hain yar

(1245) Peoples Rate This

Your Thoughts and Comments

Manzil Kahan Hai Dur Talak Raste Hain Yar In English By Famous Poet Hamid Iqbal Siddiqui. Manzil Kahan Hai Dur Talak Raste Hain Yar is written by Hamid Iqbal Siddiqui. Read famous Poem Manzil Kahan Hai Dur Talak Raste Hain Yar for youth and Student by Hamid Iqbal Siddiqui. Free Download Manzil Kahan Hai Dur Talak Raste Hain Yar in PDF.