Ye Chalti-phirti Si Lashen Shumar Karne Ko
ye chalti-phirti si lashen shumar karne ko
bahut hai kaam sar-e-rahguzar karne ko
guzar rahe hain ba-ujlat bahaar ke ayyam
paDa hai raKHt-e-badan tar tar karne ko
gale ki samt mere apne hath baDhte hain
raha hi kya hai bhala e'tibar karne ko
badan ko chaT liya hai siyah kai ne
abhi to kitne samundar hain par karne ko
abhi se chand sitaron ki aanhken pathrai
paDi hai raat abhi intizar karne ko
samajh mein aa na saki ye ada gulabon ki
chaman mein aate hain sina figar karne ko
Hamidi Kashmiri 
(1088) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544