ToD Kar JoD Diya Karte Ho Kya Karte Ho
toD kar joD diya karte ho kya karte ho
dil pe yun mashq-e-jafa karte ho kya karte ho
raaz-e-dil fash kiya karte ho kya karte ho
nam se mere haya karte ho kya karte ho
rose iqrar-e-wafa karte ho kya karte ho
zaKHm-e-dil phir se hara karte ho kya karte ho
tum se mansub hai ek ahd-e-wafa ka iqrar
tum bhi tauhin-e-wafa karte ho kya karte ho
shisha-e-dil ke baratne ka saliqa dekho
tum to bas toD diya karte ho kya karte ho
shauq ko pahle zara had se siwa hone do
dard ko had se siwa karte ho kya karte ho
ishwa-e-jaan-talabi morid-e-ilzam na ho
mujh se kahte raho kya karte ho kya karte ho
har ghaDi us lab-e-shirin ka tasawwur 'aKHgar'
talKH jine ka maza karte ho kya karte ho
Haneef Akhgar 
(1073) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544