Uske Gulabi HonT To Ras Mein Base Lage
us ke gulabi honT to ras mein base lage
lekin badan ke zaiqe be-kaif se lage
TuTe qadam qadam pe jo apni lachak ke sath
wo daldalon mein zat ki mujh ko phanse lage
tamsil ban gae hain samundar ki jhag ki
sahra-e-gham ki rakh mein jo bhi dhanse lage
jin ka yaqin rah-e-sukun ki asas hai
wo bhi guman-e-dasht mein mujh ko phanse lage
hum le ke be-amani ko jangal mein aa gae
dil ko jo shahr-e-KHuban mein kuchh waswase lage
Hanif Tarin 
(3346) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544