KHud Ko Itna Jo Hawa-dar Samajh Rakkha Hai
KHud ko itna jo hawa-dar samajh rakkha hai
kya hamein ret ki diwar samajh rakkha hai
hum ne kirdar ko kapDon ki tarah pahna hai
tum ne kapDon hi ko kirdar samajh rakkha hai
meri sanjida tabiat pe bhi shak hai sab ko
baz logon ne to bimar samajh rakkha hai
us ko KHud-dari ka kya paTh paDhaya jae
bhik ko jis ne purus-kar samajh rakkha hai
tu kisi din kahin be-maut na mara jae
tu ne yaron ko madad-gar samajh rakkha hai
Haseeb Soz 
(2399) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544