Tum Chup Rahe Payam-e-mohabbat Yahi To Hai
tum chup rahe payam-e-mohabbat yahi to hai
aankhen jhukin nazar ki qayamat yahi to hai
mahfil mein log chaunk paDe mere nam par
tum muskura diye meri qimat yahi to hai
tum puchhte ho tum ne shikayat bhi ki kabhi
sach puchhiye to mujh ko shikayat yahi to hai
wade the be-shumar magar ai mizaj-e-yar
hum yaad kya dilaen nazakat yahi to hai
mere talab ki had hai na tere ata ki had
mujh ko tere karam ki nadamat yahi to hai
Hashim Raza Jalalpuri 
(1060) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544