Zaminon Mein Sitare Bo Raha Hun
zaminon mein sitare bo raha hun
mujhe hargiz na kahna ro raha hun
gawahi den samundar chand sahil
akela hun kabhi main do raha hun
use lauTa diya main ne ye kah kar
abhi jao abhi main so raha hun
mohabbat ki kahani bhi ajab hai
jise paya nahin tha kho raha hun
purane par nae kuchh zaKHm kha kar
lahu se main lahu ko dho raha hun
duaon ke wasile se main 'hashim'
yahan ka tha wahan ka ho raha hun
Hashim Raza Jalalpuri 
(833) Peoples Rate This