Aur ThoDa Sa Bikhar Jaun Yahi Thani Hai
aur thoDa sa bikhar jaun yahi Thani hai
zindagi main ne abhi haar kahan mani hai
hath par hath dhare baiThe to kuchh milta nahin
dasht o sahra ki miyan KHak kabhi chhani hai
qatl ko qatl jo kahte hain ghalat kahte hain
kuchh nahin zill-e-ilahi ki ye nadani hai
sahm jate hain agar patta bhi koi khaDke
jaante sab hain tera zimma nigahbani hai
apni ghairat ka samundar abhi sukha to nahin
bund bhar hi sahi aankhon mein abhi pani hai
Hasnain Aaqib 
(780) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544