Harf-e-inkar Ki Iqrar-e-wafa Tha Kya Tha

harf-e-inkar ki iqrar-e-wafa tha kya tha

KHat mein ek jumla-e-mubham sa likha tha kya tha

us ka chehra tha qamar tha ki tasawwur mera

kal munDeri pe koi jalwa-numa tha kya tha

yak-ba-yak ho gaya ojhal wo nazar ke aage

dhund ka ek bagula sa uTha tha kya tha

muskuraata tha magar aankh bhi nam thi us ki

us ke sine mein koi dard chhupa tha kya tha

subh tak luT gaya sindur kai mangon ka

shab ke sannaTe mein ek shor uTha tha kya tha

bad-dua thi ki dua ye wahi jaane 'hasrat'

zer-e-lab us ne magar kuchh to kaha tha kya tha

(450) Peoples Rate This

Hasrat Deobandi's More Poetry

Your Thoughts and Comments

Harf-e-inkar Ki Iqrar-e-wafa Tha Kya Tha In English By Famous Poet Hasrat Deobandi. Harf-e-inkar Ki Iqrar-e-wafa Tha Kya Tha is written by Hasrat Deobandi. Read famous Poem Harf-e-inkar Ki Iqrar-e-wafa Tha Kya Tha for youth and Student by Hasrat Deobandi. Free Download Harf-e-inkar Ki Iqrar-e-wafa Tha Kya Tha in PDF.