Hamein Waqf-e-gham Sar-ba-sar Dekh Lete

hamein waqf-e-gham sar-ba-sar dekh lete

wo tum kuchh na karte magar dekh lete

na karte kabhi KHwahish-e-sair-e-jannat

jo waiz tera rahguzar dekh lete

rasai kahan bazm-e-dushman mein apni

ki hum bhi unhen ek nazar dekh lete

tamanna ko phir kuchh shikayat na rahti

jo tum bhul kar bhi idhar dekh lete

na rahti KHabar din o duniya ki 'hasrat'

jo sote unhen be-KHabar dekh lete

(857) Peoples Rate This

Your Thoughts and Comments

Hamein Waqf-e-gham Sar-ba-sar Dekh Lete In English By Famous Poet Hasrat Mohani. Hamein Waqf-e-gham Sar-ba-sar Dekh Lete is written by Hasrat Mohani. Read famous Poem Hamein Waqf-e-gham Sar-ba-sar Dekh Lete for youth and Student by Hasrat Mohani. Free Download Hamein Waqf-e-gham Sar-ba-sar Dekh Lete in PDF.