Lutf Ki Un Se Iltija Na Karen
lutf ki un se iltija na karen
hum ne aisa kabhi kiya na karen
mil rahega jo un se milna hai
lab ko sharminda-e-dua na karen
sabr mushkil hai aarzu bekar
kya karen aashiqi mein kya na karen
maslak-e-ishq mein hai fikr haram
dil ko tadbir-ashna na karen
bhul hi jaen hum ko ye to na ho
log mere liye dua na karen
marzi-e-yar ke KHilaf na ho
kaun kahta hai wo jafa na karen
shauq un ka so miT chuka 'hasrat'
kya karen hum agar wafa na karen
Hasrat Mohani 
(885) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544