Sitam Ho Jae Tamhid-e-karam Aisa Bhi Hota Hai
sitam ho jae tamhid-e-karam aisa bhi hota hai
mohabbat mein bata ai zabt-e-gham aisa bhi hota hai
bhula deti hain sab ranj o alam hairaniyan meri
teri tamkin-e-behad ki qasam aisa bhi hota hai
jafa-e-yar ke shikwe na kar ai ranj-e-nakaami
ummid o yas donon hon baham aisa bhi hota hai
mere pas-e-wafa ki bad-gumani hai ba-ja tum se
kahin be-wajh izhaar-e-karam aisa bhi hota hai
teri dildariyon se surat-e-beganagi nikli
KHushi aisi bhi hoti hai alam aisa bhi hota hai
waqar-e-sabr khoya girya-ha-e-be-qarari ne
kahin ai e'tibar-e-chashm-e-nam aisa bhi hota hai
ba-dawa-e-wafa kyun shikwa-sanj-e-jaur hai 'hasrat'
dayar-e-shauq mein ai mahw-e-gham aisa bhi hota hai
Hasrat Mohani 
(883) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544