Us But Ke Pujari Hain Musalman Hazaron
us but ke pujari hain musalman hazaron
bigDe hain isi kufr mein iman hazaron
duniya hai ki un ke ruKH o gesu pe miTi hai
hairan hazaron hain pareshan hazaron
tanhai mein bhi tere tasawwur ki badaulat
dil-bastagi-e-gham ke hain saman hazaron
ai shauq teri pasti-e-himmat ka bura ho
mushkil hue jo kaam the aasan hazaron
aankhon ne tujhe dekh liya ab unhen kya gham
haalanki abhi dil ko hain arman hazaron
chhane hain tere ishq mein aashufta-sari ne
duniya-e-musibat ke bayaban hazaron
ek bar tha sar gardan-e-'hasrat' pe rahenge
qatil teri shamshir ke ehsan hazaron
Hasrat Mohani 
(1079) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544