Wo Bhi Chup-chap Hai Is Bar Ye Qissa Kya Hai
wo bhi chup-chap hai is bar ye qissa kya hai
tum bhi KHamosh ho sarkar ye qissa kya hai
sirf nafrat hi thi mere liye jin ke dil mein
ho gae wo bhi taraf-dar ye qissa kya hai
samne koi bhanwar hai na talatum phir bhi
chhuTti jae hai patwar ye qissa kya hai
baiThte jab hain khilaune wo banane ke liye
un se ban jate hain hathiyar ye qissa kya hai
wo jo qisse mein tha shamil wahi kahta hai mujhe
mujh ko malum nahin yar ye qissa kya hai
Hastimal Hasti 
(996) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544