Sans Bhar Hawa
main ek hi sans mein
bahut si zindagiyan ji leta hun
khilti kali se guzarta jhonka
fath-mand khilaDi ka uDta pasina
wasl ki lazzat se maghlub
aurat ki karah
sar-e-sham diya bujhate
naujawan shaer ki phunk
barish mein girti
kachchi chhat ka bojhal ghubar
marne wale ke sine se nikli
aaKHiri aah
main ek hi sans mein
bahut si mauten mar jata hun
Husain Abid 
(832) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544