Dil-ashob

yun kahne ko rahen mulk-e-wafa ki ujal gaya

ek dhund mili jis rah mein paik-e-KHayal gaya

phir chand hamein kisi raat ki god mein Dal gaya

hum shahr mein Thahren, aisa to ji ka rog nahin

aur ban bhi hain sune un mein bhi hum se log nahin

aur kuche ko tere lauTne ka to sawal gaya

tere lutf-o-ata ki dhum sahi mahfil mahfil

ek shaKHs tha insha nam-e-mohabbat mein kaamil

ye shaKHs yahan pamal raha, pamal gaya

teri chah mein dekha hum ne ba-haal-e-KHarab ise

par ishq o wafa ke yaad rahe aadab ise

tera nam o maqam jo puchha, hans kar Tal gaya

ek sal gaya, ek sal naya hai aane ko

par waqt ki bhi ab hosh nahin diwane ko

dil hath se is ke wahshi hiran ki misal gaya

hum ahl-e-wafa ranjur sahi, majbur nahin

aur shahr-e-wafa se dasht-e-junun kuchh dur nahin

hum KHush na sahi, par tere sar ka wabaal gaya

ab husn ke gaDh aur shahr-panahen suni hain

wo jo aashna the un sab ki nigahen suni hain

par tu jo gaya har baat ka ji se malal gaya

(509) Peoples Rate This

Your Thoughts and Comments

Dil-ashob In English By Famous Poet Ibn E Insha. Dil-ashob is written by Ibn E Insha. Read famous Poem Dil-ashob for youth and Student by Ibn E Insha. Free Download Dil-ashob in PDF.