Bala Nai Koi Palun Agar Ijazat Ho
bala nai koi palun agar ijazat ho
junun ko shauq bana lun agar ijazat ho
nigar-KHana-e-hasti ke aainon mein zara
main apna aks saja lun agar ijazat ho
sharab-e-husn mein masti hai be-niyazi ki
KHudi ke shishe mein Dhaalun agar ijazat ho
hamari tum se mulaqat ho bhi sakti hai
main koi rah nikalun agar ijazat ho
bahut dinon se hain uryan-badan KHayal mere
rida-e-harf uDha lun agar ijazat ho
wo tishnagi jise tum salsabil kahte ho
labon pe main bhi uTha lun agar ijazat ho
nazar zuhur ke jin tajrabon se guzri hai
kabhi kisi ko bata lun agar ijazat ho
kisi se dil hi nahin mil saka 'shahab' to ab
nazar tumhi se mila lun agar ijazat ho
Iffat Abbas 
(1211) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544